Refraneru Asturianu

El presente refraneru asturianu ye solo una recopilación de refranes d’Asturies.

– Cantaba una ñarbata desde un manzanu , el que non bebe sidra, non ye asturianu.

– Septiembre secu, castañes al cestu, agosto moyau, castañes cestau.

– Barriga farta, quier gaita.

– Al catarru day col xarru, si te da bien agarrau, sidra calentao.

– Moya la barriga cuanto quieras, que pal meaderu vas dir aunque non quieras.

– Unos cantarinos Rafael, que acabamos con la pipa, y ahora vamos pol tonel.

– Si morimos, nacemos, casamos, fartura nos damos, y haya pena o haya ventura, venga que venga fartura.

– Si les fabes en la pota ves ferver, apurria la sidra pa beber.

– Sidra todos los días, salud te daría

– El aguardiente bien me gusta, y el vino blanco tamien pero en goliendo la sidra, a mi naide me detien.

– Dichosu mes qu´entama en Tolos Santos y termina en San Andrés.

– Dichosu mes qu´entra con Tolos Santos, media con San Uxeniu y sal con San Andrés.

– El día Tolos Santos, la ñeve pelos altos, y per San Andrés, a la puerta la tendrás.

– Per Tolos Santos la ñeve pelos campos, per San Andrés ñeva de vez.

– El veranín de San Martín tien que venir.

– De mayu a San Martín, el cierzu por vecín.

– Per San Martín ñeve nel camín.

– Per San Martín una mazana a cada rapacín.

– A tou gochín-y llega’l so samartín.

– Nun hai gochu gordu que nun-y llegue´l so samartín.

– Per San Martín, l’ayu y el cebollín.

– Per San Martín llabra’l cebollón.

– Per San Martín, l’ayu finu; y per febreru, como’l primeru.

– L’ayu finu, per martinu.

– ¿Por qué nun crecisti, ayín? Porque nun me plantasti per San Martín.

– Ayín ¿por qué nun creces? Porque nun me sallasti tolos meses.

– Tal día de San Martín, tal día de Santa Olaya.

– Per Santa Catalina la ñeve na cocina.

– Per Santa Catalina, una corderina; per Navidá, corderinos habrá.

– Per San Andrés, corderinos tres, y per Navidá, corderinos habrá.

– Per San Andrés cada oveya col so corderín verás, per Navidá en cada casa los habrá.

– El día de San Andrés garra los gochos pelos pies.

– Per San Andrés, ye vinu y nun ye.

– Per San Andrés riega los tos praos, que cebarás los tos gües.

– Per San Andrés, semao y por nacer.

– De San Andrés a Navidá un mes ha, y la vieya que bien cuntó, tres selmanes alcontró.

– En llegando San Andrés, el vinu nuevo de Cangas, aneyu ye.

– El vinu per San Andrés, vieyu ye.

– En pasando San Martín, cola manta al recostín.

– San Martín tien un branu; amás de durar poco, nun lu tien tolos años.

– El día Tolos Santos, la ñeve pelos altos y per San Andrés a la puerta la tendréis.

– Pelos Santos, la ñeve pelos campos.

– Per Santos, ñeve nos campos y per San Martín, ñeve en camín.

– Hacia Santa Margalita, la lluvia, más que dar, quita.

– Per San Andrés, ñeve a los pies.

– Tou noviembre guardáu y en to casa enterráu.

– A les muyeres gusten i los paisanos callaos porque creense que les tan escuchando.

– Cuanto mas alante montes,mas burru dexes atras. El que no sabe, ye como el que no ve.

– San Miguel venideru,toma el cadabau y dame el dineru…

– Si la choa baxa de la peña, garra el hachu y vete a llena…

– Si el agua vien enantes del vientu, arria vela ensin perder momentu-pero si el vientu vien primeru, nun hai noveda, marineru…

– Si yes mayorazu-pa que quies lletres nin andar con angazu…

– Tres selmana de yunque de ferreru, duerme al son el perru..- Val mas gueyu de madreñeru que metro de carpinteru…

– Tres coses pido que Dios me las dexe-la tela, el telar y la que texe…

– Si ques comer lleche zucio, tomalo pela petenera del ballucu….

– Si ta mellada la bruesa, bien poco te val al priesa…..

– Si vien el agua enantes quie el vientu,agarra la vela y metela dientro….- Tanto va el calderu a la fuente que pierde elli el asa o la frente…

– LLamamilo madre….pa que nadie mi lo llame.

– Gallu que nun canta…..raposa que duerme farta.

– Dios puede muchu, pero más puede el cuchu.

– Nadie morrio la vispera ni se enterro a otru dia……

– Non hai mayor despreciu que non facer apreciu.

– Nun hay meyor xuntanza q’uel chorizu cola panza….

– ?El sol madrugaor y el cura cocineru: ni el sol calentará, ni el cura será buenu…

– El meyor pagaor, ye el fiador.

– Más val mease de gustu que de sustu.

– El que se duermi nun cena y el que cena desvelase.

– Si los años nos ficieran sabios nun habría vieyos tontos.

– Si ves que el hachu rincha cuando tas frayando lleña,que va facer gran friu fue siempre segura seña….

– Siempre ta la cesta onde nun presta…

– Val mas una cuarta de unu que una vara de dos…

– Val mas tazon de prau que punta de collau….

– Val mas poco y bono, que muncho y ruin..

– Piedra suelta nun tien vuelta…

– Pa poco sirve la barda si tien bufarda…

– Buena vaina non fay buena espada.

– Que de día calla, de noche manda…..

– Tien mayor el güeyu qu´el botiellu…

– Nun hay peor puertu qu´el d´ente casa…

– Después de burru muertu, la cebá al rau…

– Tien más un padre pa cien fillos, que cien fillos pa un padre…

– A oveya farta, el rau la espanta…

– Agua que nun has de beber déxala correr…

– El diente miente, la cana engaña pero la arruga non ofrez duda.

– Una buena borrachera tien que durar una semana entera.

– Por donde va el asa, que vaya el calderu…

– A misa nun voy porque estoy cojo, a la taberna me voy poquito a poco…

– Redondina yes, preñadina tas, ensin culo y sin barriga, ¿per onde lu pariras?….¿que cosa cosadiella sera?

– Has casate col to igual si nun quies xuncite mal.

– Lo primero y principal, dir a misa y almorzar. y si almorzar cuerre priesa, ye primero que la misa.

– Dos que duermen en el mismu colchón, vuélvense de la misma condición…

– El que nun se fartuca con llamber, tampoco con morder…

– Pan y paya al horru vaya…

– Una vegada que me arremangue tol culu se me vio…

– Si a Roma vas dir por unu, ve tamien por ciento unu…

– Quien faz un cestu, faz un cientu…

– Onde nun hai regla ponse ella.

– El que pue emburria, y el que non, encuruxa…

– De perdios palla ya nun hai mas pueblos…

– Cuesta abaxo, calabaza rueda.

– Al bon vivir y al mal vivir nunca-y falta que dicir.

– Cada cosa a su tiempu, y los nabos en advientu…

– Los nabos ni con gran fame pude tragalos.

– El que piesca nun escueye…

– Con la muyer y el dineru, nun te burles compañeru.

– Casa al fiu cuando quisieres, y a la fia cuando pudieres.

– Nun te arrimes a una chiva por delantre, a un borricu por detràs, ni a un faltosu por ningùn llau.

– Ratu que non sabe mas que un furacu, prestu se lu lleva el gatu.

– Arrepentiraste de haber hablao, nunca de haber callao…

– Home sin muyer al llau, nunca bienaventurau.

– Home muy parleru non ye buen consejeru.

– Quien te tira un guesu, non te quier ver muertu.

– Tres coses hechen al home de su casa, el fumu, la gotera y la muyer parlera.

– Cuidiao con el home que no habla, y del can que non lladra.

– El primer burru delante, pa qu´el de detrás nun se espante…

– Dios da gaites a quien nun pue soplales.

– Dicen que los cuernos y les canes salen con la edá pero mio pareja ye bien joven y de tou tien ya.

– ¿Quién ye to hermanu?: el vecín más cercanu…

– Cura que pidi por Dios, pidi por dos ….

– Cola cabeza sol talegu nun durmi’l ricu con sosiegu…

– Al toma, tol mundu asoma.

– El que tien rapacinos, fuelga a ratiquinos…

– El día que nun barristi, verás en to casa a quien nunca visti…

– Onde castañes se asaron, cenices quedaron.

– Tantes veces fue el burru al molin, que olvido el camin.

– Un cuerdu entre llocos, ellos tienense por cuerdos y a él tienenlu por llocu.

– A les cabritines y a los cabritinos saleyos de pequeñinos, y a los homes desgraciaos, dempues de casaos.

– Del fartucu al famientu nun hai dolimientu…

Deja un comentario